#Hashtag

Ang mga hashtag sa Instagram, Twitter, at (ang pinakanakakairita at misused sa lahat) Facebook ay isang magandang batayan ng mga bagay na pinaiikutan ng mundo ng may ari ng account. Kumbaga, “tell me what your hashtags are, and I will tell you who you are”. So siguro, kung may magcocompile ng lahat ng mga hashtags na ginawa ko ever, malamang may makita akong pattern na magrereflect sa 'kin. Or ewan.

-----

Hindi sa pagmamagaling (para namang ikinagaling ko), pero hindi ko matandaan na gumamit ako ng hashtag (sa Twitter o Instagram) na hindi sikat o kaya yung na ako lang nakakaalam. Halimbawa:

@xosigrid Tara, kain! #gutomnakopls #tanghalinakasigumising #adobo #GOoD.Aftiiee`0.7

Ang pagkakaalam ko kasi, ginagamit yung hashtags para mai-sort yung tweets/photos, para pag may naghanap ng tweets/photos na may kinalaman sa adobo, madaling makikita pag tinype mo yung #adobo.

Pero paano naman yung ibang hashtag sa example natin? May maghahanap ba ng tweets na may kinalaman sa gutom mo? Pwede siguro yung tipong bored ka, maghahanap ka sa internet ng mga taong gutom din tulad mo, aayain mong kumain, tapos may sparks story ka na. Pero, come on people, gaano ba kadalas nangyayari yun?

Isa pang gamit ng hashtag eh para sumikat ito, para maraming makaalam. Magandang example dito yung mga Twitter accounts at hashtags nila Sam (@sam_yg) at Ramon Bautista (@ramonbautista). Useful yan kapag ang pinopromote mo eh halimbawa #EarthDay2015 o kaya #InternationalBoobsDay o kaya #UMUWINAKAYO kapag masarap mang-trashtalk sa kalaban ng Gilas Pilipinas. Pero yung #tanghalinakasigumising, ano na? Hindi ka naman si KathNiel (sino nga ba kasi yun? Nakikita ko lang yung pangalan nila eh) para lahat ng i-tweet mong hashtag eh magte-trend din. I mean, siguro naman hindi lang ako yung saka sakaling gumamit ng #gutomnakopls, pero alam ko na hindi magtetrend 'yan anytime soon. Gets?

Yung #Good.Aftiiee`0.7, that's just plain jeje.

Walang punto itong article na to. Wala lang akong magawa dahil wala akong internet sa ngayon. #angbagalnginternetpls